الطاقة بالدارجة | مصادر الطاقةكل ما يجب ان تعرفه عن البروتين-اهم مصادر البروتين

جسم الانسان بحالو بحال ديك الآلة الصناعية اللي خاصها البنزين او الكهرباء باش تخدم بطريقة جيدة، لذلك الانسان كيستورد او كيدخل الطاقة ديالو من الوجبات اليومية الي كياكل على طول النهار باش اسخن راسو، احافظ على الاشتغال ديال الاعضاء الحيوية و ايضا باش كيساهم في البناء و التقوية ديالها، اذن فالماكلة لي كاناكلو هي بقيمة البنزين او هي بقيمة العملة و الفلوس بالتحديد. الطاقة هي داك المفتاح او العملة (الدرهم مثلا) الي كخلينا كإنسان و ككائن حي نديرو و نزاولو النشاطات ديالنا، سواء الدراسية، العملية، الرياضية، الحركات اللي كانديرو فحالة الراحة... فأي حركة كانديرها كخصنا نخلصوا عليها او بعبارة اخرى خاصني نعطي المقابل اللي هو الطاقة. جسم الانسان باش يجيب هاد الطاقة و يوفرها لخلايا الجسم باش نديرو التحركات اليومية ديالنا عندو جوج طرق، يا من الماكلة ولا من الطاقة لي مخزنها و اللي تا هي جاية من الماكلة

:المصادر الطاقية

اكيفما شرحنا فالبدية الطاقة هي العملة، و كانجيبوها من 3 عناصر من الماكلة؛ الكارب (سكريات و نشويات) و اللي كيتعتابرو كمصدر رئيسي لطاقة و كيخصهم اشكلو 30 تال 60٪ من الحاجيات الطاقية اليومية ديالنا، اما بالنسبة للرياضات و الرياضيين كتقدر توصل ل 70٪، و اللي الاغلبية ديالها كيكون من السكريات المعقدة و كمية قليلة ديال السكريات السريعة، اللي يمكن لينا نتناولوها اثناء التمارين بحكم انها كتكون جاهزة لامتصاص و الاستعمال من طرف الجسم ديالنا، فالدور الاساسي ديالهم كيبقى توفير الطاقة للجسم، وايضا توفير سكر الريبوز، لي كيتوفر على خمس كربونات في التركيبة ديالو، للأحماض النووية. اما المصدر الثاني هوما الدهنيات الي كيشكلو 20 تال 40٪ من تلك الحاجيات و الي عند الشخص الرياضي اقدرو اتراوحو بين 25 و 30٪ من الحاجيات اليومية ديالو،وهنا كانفضلو الدهنيات النباتية كزيت الزيتون، و المكسرات بحال الكركاع واللوز. و دهنيات ذات مصدر بحري من السمك و فواكه البحر، و هدشي كرجع لتوفرهم على لي اوميغا سواء اوميغا 3 او 6 او 9 . فالدهنيات من غير الدور الطاقي ديالهم، عندهو دور انتاج الهرمونات؛ كالتستوستيرون و الكولسترول، و اللي كي تطلق عليهم اسم الهرمونات السترويدية. أما بالنسبة للدهون المخزنة فالجسم أي الشحمة فعندهم دور آخر اللي هو تثبيت الاعضاء الداخلية في الجسم ديالنا، و امتصاص الصدمات، و ايضا توفير الحرارة للجسم. و فالاخير، البروتينات، الي كيتعتابروا آخر مزود للطاقة، الدور الاساسي ديالهم هو توفير الأحماض الأمينية لخلايا الجسم ديالنا باش يعاودو ينبنيو راسهم و كيشكلو عند الفرد العادي 15 و 20٪ و عند الشخص الرياضي 20 تال 40٪ من الحاجيات الطاقية اليومية ديالو. هاد البروتينات من الافضل اكونو من مصدر حيواني حيت كيتعتابرو بروتينات ذات جودة عالية، عكس المصادر النباتية الي كيتوفرو على قيمة بيولوجية ضعيفة وهنا كنقصدو الاحماض الامينية الآساسية؛ اليزين، الوسين، فنيل-الانين، الإزولوسين، الفالين، الثريونين، الهيستدين، المثيونين، التريبتوفان، فالبروتيناتت النباتية ماكاتوفرش على هاد الأحماض الأمينية الأساسية ب9 (أي لي ماكايقدرش الجسم ديالنا يصاوبها راسو) أو واخا قلنا الپروتينات الحيوانية أفضل و لكن خاص ناخدو النص من الحيواني و النص من النباتي. هاد المصادر اللي دوينا عليهم، ماخصناش نشوفو غير الكمية ديالهم بوحدها ولكن نشوفو حتي النوعية فالدهنيات فالاختيار ديالهم كيلزم اكونو: 3/1 مشبعة، 3/1 غير مشبعة احادية و 3/1 غير مشبعة متعددة. و الكارب خاص يكون من سكريات معقدة و نشويات بنسة أكثر بكثير من السكريات البسيطة والسريعة. 

:التخزين

بالنسبة للسكريات و بعد عملية الهضم و الهدم ديالها، وتحول الى سكر بسيط، غلوكوز، فروكتوز... فالجسم كيخزنها على شكل "ݣليكوجين" كمصدر رئيسي لتخزين و هو عبارة على سلسلة طويلة من الغليكوز، و كيكون فالكبد و 

العضلات من اجل الاستعمال السريع، و كيتوفر الانسان على حوالي 400 و 500غ منو.

اما باقي الغليكوز، في حالة الفائض فالجسم سواء كيحولو لدهون و كيخزنو في الخلايا الدهنية او كيتخلص منو.

النظام الفوسفاتي:

ATP-CP هو مصدر طاقي كيكون مخزن فالعضلات، و الاستعمال ديالو كيكون فالحين مع بداية النشاط الرياضي، و للاسف فالكمية ديالو جد قليلة في الجسم ولو كيعطي واحد طاقة لي انفجارية لمدة تتراوح بين ستة ثواني لسبع ثواني. ADPالجسم كيقدر اعاود انتجو من خلال ناتج الهدم ديالو لي هو ل 

:نظام اللاهوائي اللبني

من بعد انتهاء مصادر الفوسفاط، الجسم ديالنا كيدوز لغليكوجين، و كينتج الطاقة، من خلال ما يسمى بهدم الغلوكجين؛ و هنا كيرجع ابان الغليكوز و كيدوز حتى هو عملية الهدم و كيعطينا الطاقة و الحمض اللبني فغياب الاكسجين، فاش كتكون الكمية ديالو كثيرة فالجسم كانحسو بواحد العياء شديد و الام فالعضلات. غالبا هاد النظام كيكون فالانشطة اللي المدة ديالهم ضغيرة، بحال سباق 100م او تمارين بناء الاجسام. و لذلك ينصح بعد الحصة الريااضية، تناول و شرب الاغذية الي كاتنقص الحمض اللبني في الدم، و غالبا كتكون ذات طابع قاعدي ( عكس حمضي)، مثل الحليب و المشتقات ديالو خلال الساعات الاولى من بعد التدريب، او شرب البيكاربونات اللي تاهي كاتنقص منو،

:النظام الهوائي

هاد النظام كيكون فتمارين المقاومة ذات مدة طويلة او متوسطة، و كيوفر واحد الطاقة هائلة انطلاقا من مصادر التخزين ديالها، و كيعطينا حوالي: 36 ATP عند استعمال الغلوكجين؛ 147 ATP عند استعمال الحمض الدهني, و ايضا ثنائي اكسيد الكربون كمنتوج اللي كيتم التخلص منو خلال عملية الزفير، و ثنائي اكسيد الهيدروجين لي كيتحرر على شكل عرق، واللي ماعندهم حتى شي تأثير سلبي على الجسم ديالنا، لذلك يفضل التدريب فقاعات رياضية ذات تهوية جيدة باش نشجعو الجسم ديالنا اتبع هاد النظام!

 بحال اللي عندنا في لاصال ديال Aji N'TryDO 

خلاصة:

جسم الانسان كيلزمنا نعتانيو بيه مزيان، و نوفرو ليه احسن الحاجيات باش تاهو مايخويش بينا وقت الشدة و الحاجة ، و باش اوفر لينا الطاقة بأحسن كيفية ممكنة من جهة، و من جهة اخرى نحاولو نتجنبو المشاكل اللي تقدر تأثر سلبا على التمارين و التغدية ديالنا. ومن خلال كل ما سبق فالتغذية كات أثر بشكل مباشر على الأداء الرياضي ديالنا، لذلك واجب علينا نوازنوها و نظموها بطريقة لي الجسم ديالنا اقدر اولف عليها و متكونش عليه ضغوطات لي اتخليه اتخلى و إتنازل عليه، و هدشي بهدف نظابطو معها و نطورو الأداء ديالنا.